Tvær harðar spreingingar vórðu hoyrdar í høvuðsstaðnum í Saudi Arabia - Riyad - í nátt, veit eitt tíðindafólk hjá AFP at siga.
Houthi-uppreistrarrørslan í Jemen hevur seinastu tíðina framt eina røð av álopum móti landinum.
Verjan í Saudi Arabia sigur, at fráboðanarskipanin, sum sigur frá álopum, fór í gongd og ávaraði borgararnar um álopið.
Stutt eftir, kundi leiðslan í Saudi Arabia boða frá, at verjan hevði oyðilagt eina ballistiska rakett, sum houthi-uppreistrarrørslan í Jemen hevði skotið eftir Riyad.
