Løgreglan fekk fráboðanina um eitt arbeiðsóhapp í Hósvík í gjár klokkan 8.15.

Maðurin hevði fingið hondina inn undir eina sag og varð fluttur á Landssjúkrahúsið til kanningar. Løgreglan veit ikki nágreiniliga, hvussu álvarsligur skaðin er, men upplýsir, at maðurin ikki misti nakran lim.

Arbeiðseftirlitið og løgreglan vóru á staðnum og kannaðu viðurskiftini. Sambært løgregluni vóru bæði sagin og arbeiðsumstøðurnar í lagi, og hendingin verður mett sum eitt óhapp.