Tað gekk, sum tað hevur gjørt alt hetta kappingarárið, tá ið HB hevur verið partur av tøttum toppuppgerðum.
Leingi stóð tað á jøvnum – 1-1 – í grannauppgerðini í Gundadali. Men síðstu løtuna megnaði HB at skora tvey mál. Harvið vann HB 3-1, og undan síðsta umfari hevur HB 70 stig. Tað er nýtt met. B36 átti gamla metið við 67 stigum.
Tá ið HB leygardagin fær gullkrónur og FM steyp, verður tað eftir heimadyst ímóti Víkingi. HB hevur møguleika at vinna 73 stig. Tað er framúr úrtøka, sum tað er ilt at ímynda sær, at tað skal bera til at taka.
NSÍ vann 3-0 í Sarpugerði. Úrslitið ber við sær, at NSÍ nú er favorittur at vinna silvurkrónurnar. Í síðsta umfari skal NSÍ spæla á heimavølli ímóti KÍ.
Klaksvíkingar eru undan síðsta umfari á bronsuplássi, og KÍ vinnur silvurkrónurnar, um tað leygardagin eydnast at vinna í Runavík.
Í dag vann KÍ síðsta heimadystin í ár 3-1 ímóti Suðringum, sum dygst undan steðginum javnaðu til 1-1. Fyrstu løtuna eftir steðgin var KÍ sera ágangandi, og tá eydnaðist tað at skora tvey mál.
Tapið á heimavølli í dag ber við sær, at B36 datt aftur á fjórða pláss. B36 skal í síðsta umfari spæla á Skála, og nú ber tað ikki til hjá steypavinnarunum í B36 at vinna seg hægri í landskappingini enn á bronsuplássið.
Orsaka av vánaligum veðri varð avlýst í Sørvági, har EB/Streymur var gestur hjá 07 Vestur og á Argjum, har Skála var gestur hjá AB.
Tað er avgjørt, at útsetti dystirnir verða spældir týsdagin klokkan 16.30.
http://www.in.fo/myndasavn/album/?tx_yag_pi1
KÍ – Suðringar 3-1 (1-1)
1-0: Jóannes Bjartalíð
1-1: Pape Mamadou Faye
2-1: Óli Eyðsteinsson Poulsen
3-1: Páll A. Klettskarð
Víkingur – NSÍ 0-3 (0-2)
0-1: Petur Knudsen
0-2: Árni Frederiksberg br
0-3: Klæmint A. Olsen
B36 – HB 1-3 (0-1)
0-1: Ari Mohr Olsen
1-1: Meinhard E. Olsen
1-2: Jógvan Skeel Nolsøe
1-3: Símun Samuelsen
07 Vestur - EB/Streymur
Útsettur til týsdagin klokkan 16.30
AB - Skála
Útsettur til týsdagin klokkan 16.30
| HB | 26 | 23 | 1 | 2 | 56 | 17 | 70 |
| NSÍ | 26 | 16 | 4 | 6 | 61 | 23 | 52 |
| KÍ | 26 | 16 | 3 | 7 | 47 | 23 | 51 |
| B36 | 26 | 15 | 5 | 6 | 53 | 32 | 50 |
| Víkingur | 26 | 11 | 6 | 9 | 38 | 35 | 39 |
| Skála | 25 | 7 | 5 | 13 | 26 | 34 | 26 |
| Suðringar | 26 | 7 | 4 | 15 | 26 | 42 | 25 |
| EB/Streymur | 25 | 4 | 8 | 13 | 27 | 48 | 20 |
| 07 Vestur | 25 | 5 | 1 | 19 | 27 | 67 | 16 |
| AB | 25 | 4 | 3 | 18 | 12 | 51 | 15 |
27. umfar
Leygardagin 27. oktober
EB/Streymur - AB
NSÍ - KÍ
Skála - B36
HB - Víkingur
Suðringar - 07 Vestur
