Tvey føroyingalið vóru í leiki í næstbestu donsku hondbóltsdeildini í dag.

Tað eydnaðist Kjartani Johansen og liðfeløgunum í Vendsyssel á útivøll at vinna ein tepran 29-28 sigur á Rækker Mølle. Í steðginum var Vendsyssel á odda 16-13.

Kjartan skoraði fýra mál og hann legði eisini upp til fýra mál.

Vendsyssel er nummar fimm í deildini við 12 stigum. Liðið hjá Ísaki Vedelsbøl, HØJ er fremst við 16 stigum.

Rói Ellefsen á Skipagøtu og liðfelagarnir í Aarhus taptu á heimavølli 34-36 fyri Norddjurs. Í steðginum var Aarhus á odda 17-16.

Rói skoraði fýra mál.

Aarhus er nummar níggju við átta stigum.