Fríggjakvøldið hin 30. oktober, sum er í annaðkvøld, verður lagt upp til eitt brak av einum kvøldi á Reinsarínum í Havn, tá John Mogensen Jam kemur at seta lív í húsið!
- Við 10 árum sum bólkur og meira enn 50 konsertum um árið hava teir drúgvar royndir í at skapa góðan stemning og fáa fjøldina við, og eru teir leiðandi á sínum øki í Danmark.
Soleiðis siga stigtakararnir til tiltakið á Reinsarínum í annaðkvøld.
- Vit kunnu gleða okkum til allar teir kendu klassikararnar hjá John Mogensen, sum vit øll kenna og elska – og sjálvandi verður høvi eisini at syngja við av fullum hjarta!
Lagt verður aftrat, at hetta er teirra fyrsti túrur í Føroyum, og teir gleða seg, tí teir hava hoyrt, at føroyingar elska John Mogensen.
Atgongumerkir til John Mogensen Jam á Reinsarínum í annaðkvøld fáast á atgongumerki.fo
- Tiltakið byrjar klokkan 20, og tað er avmarkað atgongd, siga fyrireikararnir.
