Týsdagin hin 27. oktober varð Ann Mohr heiðrað fyri 20 ár í starvi hjá Eysturkommunu.
Í hesum sambandi vitjaðu starvsfólkaleiðarin og borgarstjórin á arbeiðsplássi hennara, har hon fekk handað blómutyssi sum tøkk fyri trúgva tænastu.
- Ann er tannatstøðingur og byrjaði í starvi í barnatannrøktini við Gøtugjógv í 2006. Tá barnatannrøktin flutti til Leirvíkar í 2017, fór hon til Leirvíkar at arbeiða, og har hevur hon starvast síðan.
Sjálv greiðir Ann Mohr frá, at hon kendi seg sera væl móttikna, tá hon byrjaði at arbeiða í Gøtu. Somuleiðis varð hon væl móttikin í Leirvík, tá barnatannrøktin flutti hagar.
- Vit ynskja Ann hjartaliga tillukku við starvsdegnum og takka henni fyri hennara góða arbeiði og stóra íkast øll hesi árini, verður sagt á heimasíðuni hjá Eysturkommunu.
