Óli varð valdur á ting 7. november í 1974, og hann var í meiri enn 33 ár markantur tingmaður og tikin úr leikum sum røðari, ið bæði undirhelt og undirbygdi.
Óli er havnarmaður. Pápin, Ludvig Breckmann (1921-1974) vaks upp á krossinum millum Hoyvíksvegin og Jónas Broncksgøtu, og har búsettist hann saman við konuni Astrið (1929-2002), sum var ættað úr Vestmanna. Foreldur hennara vóru Gunnar Dahl-Olsen, sýslumaður, og Jóhanna. Tey vóru bæði úr Vági.
Astrið og Ludvig fingu seks børn: Óli (1948), Mai (1949), Hanna (1953-1999), Birna (1957), Gunnar (1963) og Páll (1967).
Óli dugir ógvuliga væl at fortelja og taka til. Hann kennir seg sum rættan havnarmann og hevur so mangan víst á, at forfedrar hansara vóru havnarmenn í fyrstu fólkateljingini í 1801, og at tippoldurabbin var soldatur á Skansanum, tá ið Brillumaðurin tók hann í 1808!
Í 1967 leyk Óli málsligt studentsprógv í Hoydølum. Hann fór beinanvegin undir lestur í Bretlandi, har hann mundi vera fyrsti føroyski studenturin. Óli las enskt mál í Edinburgh og samfelagsfrøði í Bristol. Í 1974 var hann liðugur við lesturin, og tá varð hann settur í starv í Hoydølum.
Læraratíðin gjørdist ikki so long. Beinanvegin, eftir at hann var komin heim aftur, fór Óli at skriva í Dagblaðnum. 7. november í 1974 varð hann valdur á ting fyri Fólkaflokkin í Suðurstreymoy, og harvið var sjøtil settur á politiska lívið, sum í skrift og talu varð livað, inntil Óli fall á løgtingsvalinum 19. januar í ár.
Fremsta amboðið hjá Óla í politiska andglettinum var Dagblaðið. Pennurin var lættur, skemtiligur, sarkastiskur og óvanliga spískur. Tað loysti seg fyri undirtøkuna hjá Óla og Dagblaðnum, at tað hjá lesarunum bar illa til at sleppa undan at taka støðu til Dagblaðið og Óla – uttanfloks og eisini innanfloks.
Skatturin, lønarlagið og Milton Friedman, NATO, friðarrørslan, kalda kríggið og Reagan og Tatcher, kvinnurørslan og konservativ familjuvirði vóru millum favoritttilfarið í Dagblaðnum. Í 1984 varð Óli valdur í fólkatingið, og tá gjørdi hann upp við fólkafloksleiklutin, sum hevði verið ikki at blanda seg ov nógv upp í politiska lívið á flatlondum. Óli stuðlaði við lív og sál borgarligu stjórnina hjá Poul Schlüter, og hann dugdi væl at nýta talarapallin á Christiansborg soleiðis, at tað varð umrøtt í donsku pressuni og harvið eisini í Føroyum.
Persónlig bond vórðu knýtt við fremstu borgarligu politikararnar í Danmark, og tað hevði ivaleyst sín týdning. Tiltikin er leikluturin hjá Óla, tá ið lóggivið varð um TV2, og í 1998 varð tað nógv umrøtt, tá ið Óli gav Nyrup lyfti um, at hann skuldi ikki atkvøða ímóti pinsapakkanum, um Nyrup syrgdi fyri góðari bankaavtalu.
Í 2001 varð Óli ikki valdur aftur í fólkatingið. Sum formaður í tingbólkinum hevði hann framvegis stóran leiklut, og hóast hann ongantíð gjørdist landsstýrismaður, so dugdi hann sum fáur politiska handverkið aftanfyri tjaldið at toga í træðrirnar.
Eftirtíðin vísti, at tá ið fólkatingssessurin glapp, var politiski toppurin náddur. Tá vóru longu fleiri ár síðani, at Óli var givin at skriva so nógv í Dagblaðnum, sum hann áður hevði gjørt, og politiska minnið hjá veljaranum er ikki so langt. Óli hevur fleiri ferðir tikið til, at tú verður ikki valdur fyri tað, sum tú hevur verið við til at útinna, men fyri tað, sum tú lovar at gera.
Undir fullveldissamgonguni hevði Óli eitt skifti stóran leiklut sum formaður í fíggjarnevndini, og seinasta valskeiðið var hann næstformaður í tinginum og framvegis ógvuliga loyalur samgongutingmaður.
Óli arbeiðir skjótt, og undan lætta penninum eru fleiri bøkur komnar: Eitt nú Stavnurin, sum tað varð nógv tosað og skrivað um, endurminningar um bæði Hans Paula Johannesen og Eiler Jacobsen og ein bók um skatt.
Ein stórur saknur hevur tað verið, at føroyskir politikarar ikki hava skrivað politiskar endurminningar. Hesa óhepnu traditión fer Óli heilt víst at gera upp við, um hann hevur lív og heilsuna.
Óli er giftur Birnu, fødd Midjord og ættað av Argjum. Tey búgva á Hamrinum á Argjum. Børnini hjá Birnu og Óla eru Astrið (1982), Ludvík (1985), Pætur (1988), Mona (1991) og
Bjørk (1993). Eisini eigur Óli Sissal Kampmann í Vestmanna, sum er fødd í 1974.
60 ára føðingardagin var Óli Breckmann burturstaddur. J
Óli er havnarmaður. Pápin, Ludvig Breckmann (1921-1974) vaks upp á krossinum millum Hoyvíksvegin og Jónas Broncksgøtu, og har búsettist hann saman við konuni Astrið (1929-2002), sum var ættað úr Vestmanna. Foreldur hennara vóru Gunnar Dahl-Olsen, sýslumaður, og Jóhanna. Tey vóru bæði úr Vági.
Astrið og Ludvig fingu seks børn: Óli (1948), Mai (1949), Hanna (1953-1999), Birna (1957), Gunnar (1963) og Páll (1967).
Óli dugir ógvuliga væl at fortelja og taka til. Hann kennir seg sum rættan havnarmann og hevur so mangan víst á, at forfedrar hansara vóru havnarmenn í fyrstu fólkateljingini í 1801, og at tippoldurabbin var soldatur á Skansanum, tá ið Brillumaðurin tók hann í 1808!
Í 1967 leyk Óli málsligt studentsprógv í Hoydølum. Hann fór beinanvegin undir lestur í Bretlandi, har hann mundi vera fyrsti føroyski studenturin. Óli las enskt mál í Edinburgh og samfelagsfrøði í Bristol. Í 1974 var hann liðugur við lesturin, og tá varð hann settur í starv í Hoydølum.
Læraratíðin gjørdist ikki so long. Beinanvegin, eftir at hann var komin heim aftur, fór Óli at skriva í Dagblaðnum. 7. november í 1974 varð hann valdur á ting fyri Fólkaflokkin í Suðurstreymoy, og harvið var sjøtil settur á politiska lívið, sum í skrift og talu varð livað, inntil Óli fall á løgtingsvalinum 19. januar í ár.
Fremsta amboðið hjá Óla í politiska andglettinum var Dagblaðið. Pennurin var lættur, skemtiligur, sarkastiskur og óvanliga spískur. Tað loysti seg fyri undirtøkuna hjá Óla og Dagblaðnum, at tað hjá lesarunum bar illa til at sleppa undan at taka støðu til Dagblaðið og Óla – uttanfloks og eisini innanfloks.
Skatturin, lønarlagið og Milton Friedman, NATO, friðarrørslan, kalda kríggið og Reagan og Tatcher, kvinnurørslan og konservativ familjuvirði vóru millum favoritttilfarið í Dagblaðnum. Í 1984 varð Óli valdur í fólkatingið, og tá gjørdi hann upp við fólkafloksleiklutin, sum hevði verið ikki at blanda seg ov nógv upp í politiska lívið á flatlondum. Óli stuðlaði við lív og sál borgarligu stjórnina hjá Poul Schlüter, og hann dugdi væl at nýta talarapallin á Christiansborg soleiðis, at tað varð umrøtt í donsku pressuni og harvið eisini í Føroyum.
Persónlig bond vórðu knýtt við fremstu borgarligu politikararnar í Danmark, og tað hevði ivaleyst sín týdning. Tiltikin er leikluturin hjá Óla, tá ið lóggivið varð um TV2, og í 1998 varð tað nógv umrøtt, tá ið Óli gav Nyrup lyfti um, at hann skuldi ikki atkvøða ímóti pinsapakkanum, um Nyrup syrgdi fyri góðari bankaavtalu.
Í 2001 varð Óli ikki valdur aftur í fólkatingið. Sum formaður í tingbólkinum hevði hann framvegis stóran leiklut, og hóast hann ongantíð gjørdist landsstýrismaður, so dugdi hann sum fáur politiska handverkið aftanfyri tjaldið at toga í træðrirnar.
Eftirtíðin vísti, at tá ið fólkatingssessurin glapp, var politiski toppurin náddur. Tá vóru longu fleiri ár síðani, at Óli var givin at skriva so nógv í Dagblaðnum, sum hann áður hevði gjørt, og politiska minnið hjá veljaranum er ikki so langt. Óli hevur fleiri ferðir tikið til, at tú verður ikki valdur fyri tað, sum tú hevur verið við til at útinna, men fyri tað, sum tú lovar at gera.
Undir fullveldissamgonguni hevði Óli eitt skifti stóran leiklut sum formaður í fíggjarnevndini, og seinasta valskeiðið var hann næstformaður í tinginum og framvegis ógvuliga loyalur samgongutingmaður.
Óli arbeiðir skjótt, og undan lætta penninum eru fleiri bøkur komnar: Eitt nú Stavnurin, sum tað varð nógv tosað og skrivað um, endurminningar um bæði Hans Paula Johannesen og Eiler Jacobsen og ein bók um skatt.
Ein stórur saknur hevur tað verið, at føroyskir politikarar ikki hava skrivað politiskar endurminningar. Hesa óhepnu traditión fer Óli heilt víst at gera upp við, um hann hevur lív og heilsuna.
Óli er giftur Birnu, fødd Midjord og ættað av Argjum. Tey búgva á Hamrinum á Argjum. Børnini hjá Birnu og Óla eru Astrið (1982), Ludvík (1985), Pætur (1988), Mona (1991) og
Bjørk (1993). Eisini eigur Óli Sissal Kampmann í Vestmanna, sum er fødd í 1974.
60 ára føðingardagin var Óli Breckmann burturstaddur. J
