Í fjúrtan teimum fyrstu umførunum skoraði HB 39 mál. Tað bar oddasessin við sær. HB er framvegis oddalið, men tað er merkisvert, at toppliðið nú hevur spælt tvær ferðir 90 minuttir uttan at skora mál. Eftir 0-0 á Argjum endaði tað aftur 0-0, tá ið HB í dag hevði vitjan av ÍF. B68 og Víkingur eru næst í røðini. Innanhýsis uppgerðin á Svangaskarði teirra millum, sum skuldi havt verið í dag, er útsett til 5. august. Nú er møguleiki hjá øðrum hesum liðnum at taka seg uppaftur nærri oddaliðnum. Serligur ansur var í dag kring botnuppgerðini í Sørvági, har KÍ vitjaði. Klaksvíkingur vunnu 3-1. Málskjúttar vóru tríggir av teimum, sum eru komnir aftur til barndómsfelagið - Atli Danielsen, Hjalgrím Elttør og Páll Klettskarð. At 07 Vestur einki fekk burturúr, at KÍ vann, og at ÍF fekk eitt stig við sær úr Gundadali ber við sær, at tað nú eru seks stig hjá vágaliðnum upp til næstaftasta plássið og átta stig upp til triði aftasta plássið. NSÍ hevði ongar trupulleikar við málskjótingini, hóast Hjalgrím Elttør ikki var á liðnum. NSÍ vann 3-0 á B36, sum nú er trý stig frá niðurflytingar strikuni. Støðan HB 35 B68 28 Víkingur 27 NSÍ 27 EB/Streymur 22 B36 17 AB 16 ÍF 16 KÍ 14 07 Vestur 8 17. umfar 2. august HB-07 Vestur Víkingur-AB B68-B36 EB/Streymur-KÍ 3. august NSÍ-ÍF útsettir dystir 5. august EB/Streymur-AB B68-Víkingur