Útlendingar, sum hava búð í Føroyum og arbeitt í somu vinnu í 7 ár hava møguleika at søkja um varandi uppihaldsloyvi. Mynd 1 vísir, hvussu nógv fólk við øðrum ríkisborgaraskapi, enn føroyskum, hava uppihildið sær í Føroyum í ávikavíst 0-1 ár, 1-2 ár og so framvegis upp til 6-7 ár. Tað sæst týðiliga á myndini, at talið av útlendingum er økt nógv seinastu árini, og at tað eru mong, sum hava verið í Føroyum í fleiri ár.
Mynd 1 Tíðarskeið, ið útlendingar hava verið í Føroyum
Viðm.: Útlendingar eru skilmarkaðir sum fólk við øðrum ríkisborgararætti, enn føroyskum/donskum. Kelda: Landsbanki Føroya. Egnar útrokningar.
Mynd 2 vísir, hvussu nógvir útlendingar eru komnir til landið í ávísa árinum (grái stabbin) og, hvussu nógv av teimum framvegis vóru í Føroyum í 2025 (reyði stabbin). Harafturat vísir myndin, hvussu nógvir av útlendingum kunnu metast at vera verandi í meira enn 7 ár og soleiðis fáa rætt til at søkja um varandi uppihaldsloyvi (grøni stabbin). Mynd 3 vísir samanlagda talið av útlendingunum ár fyri ár, sum eru komin til Føroya síðani 2019 og kunnu søkja um at fáa varandi uppihaldsloyvi.
Talið av útlendingum, sum sannlíkt kunnu fáa varandi uppihaldsloyvi (eftir sjey ár í somu vinnu), tátar í 2.000 fólk í 2025. Á leið 4.000 fólk eru komin til Føroya síðani 2019, og burturav teimum kann væntast, at helvtin verður verandi so leingi í Føroyum, at tey kunnu søkja um varandi uppihaldsloyvi.
Mynd 2 Tilflyting av útlendingum eftir árinum, teir komu
Viðm.: Grønu stabbarnir eru roknaðir út frá 5 ára miðal í fráflytingarsannlíkindum hjá útlendingum. Kelda: Landsbanki Føroya.
Mynd 2 Tal av útlendingum, ið eru mett at fáa varandi uppihaldsloyvi
Kelda: Landsbanki Føroya.
Sí brot frá framløguni av haldførisfrágreiðingini her.
Les meira í haldførisfrágreiðingini hjá Búskaparráðnum her.
