Í Skúgvi er rokaligt í dag, og fólk fegnast.

Sum ein teirra, sum er fastbúgvandi tekur til, so eru fólk fegin og spent í dag, tí tað hendir ikki so nógv í Skúgvi, og bert 12 fastbúgvnandi eru í oynni.

Men í dag klokkan 17 verður skipað fyri seyðasýning. Sýnsmenn, og óivað onnur við, eru komin til oynna seinnapartin, og nógv verður gjørt burturúr. Vitjað verður inni á gólvið í ymsu húsunum, har alt gott er at fáa.

-Her hava vit bæði skinsakjøt, skerpikjøt og annað til reiðar til gestirnar,frætta vit úr Skúgvi, tá vit ringja og fregnast.

Bóndin hevur fingið unga mannin Joen Jacob Winther, at skipa fyri seyðasýningini.

Myndirnar eru frá seyðasýningini í Skúgvi í fjør. Hetta var fyrsta ferðin, at skipað varð fyri seyðasýning í Skúgvi.