Vit kenna hana sum Sølvu Ford, og tey munnu verða fá, ið ikki kenna sangin 'Troystartámið', sum hon syngur á útgávuni frá 2003 hjá Georg Eystaná, sála. Sølva hevur verið frontsangari í funk, blues og R'nB bólkinum Chiraz og átti eisini røddina á sanginum 'Elska meg' á útgávuni hjá Jóannes Jakobsen frá 2007. Í 2009 kom útgávan 'Á kærleikans gøtum' út við Hans Poulsen sum framleiðara, og hendan útgávan verður nú tøk á Spotify.
Hetta skrivar Løkshøll á sínum vanga á facebook.
Í dag er Sølva búsitandi í Norra, og tað er nakað síðani, vit hava hoyrt frá henni. Men um alt gongur eftir ætlan, kemur nýtt staklag út síðst í september. Eisini her er tað Hans Poulsen, kapellmeistarin til Jól við Løkin, ið hevur framleitt. Staklagið ber heitið 'I'm coming home again', og tað leggur hóskandi upp til, at vit bjóða Sølvu vælkomnari heim aftur og vælkomnari sum ein av solistunum til Jól við Løkin 2026, skrivar Løkshøll.
