Fólk í Sunda kommunu fáa frá mánadegnum fleiri møguleikar at ferðast millum bygdirnar við ókeypis bussi.

Kommunan hevur dagført ferðaætlanirnar hjá Sunda leiðini.

Broytingin merkir, at leið 2 fær tveir eyka túrar, og at leið 1 og 2 framyvir skulu samskipast betur.

Endamálið er at geva borgarunum betri møguleikar at ferðast millum bygdirnar seinnapartar og um kvøldarnar.

Sunda leiðin er ein ókeypis bussleið, sum kommunan bjóðar borgarunum.

Leið 1 koyrir gerandisdagar millum klokkan 16.05 og 21.55, meðan leið 2 koyrir millum klokkan 17.35 og 22.25.

Bussarnir steðga í øllum bygdunum á leiðunum.

Nýggja ferðaætlanin fær gildi mánadagin 2. november.

Kelda: Sunda kommuna.