Stjarnan við Ingu Mariu Roysdóttir á liðnum spældi í kvøld týðandi dyst í bestu íslendsku hondbóltsdeildini.
Á útivølli á Akureyri spældi Stjarnan móti KA/Þór, ið einki stig hevði undan dystinum í kvøld. Stjarnan hevði tvey stig.
Men tað eydnaðist ikki Ingu Mariu og liðfeløgunum at økja um frástøðuna til KA/Þór. Heimaliðið vann dystin 32-28. Í steðginum var heimaliðið á odda 17-13.
Inga Mariu stóð tó fyri einum framúr avriki. Hon skoraði 10 mál upp á 14 málroyndir, og hon legði eisini upp til trý mál. Hon var eisini staðfesti besti leikarin hjá Stjörnuni.
HK, Stjarnan og KA/Þór eru aftast í deildini við tveimum stigum hvør.
