H71 er ikki longur ósigrað í SMS-deildini.
Í KÍ-høllini vann Stjørnan tepran 26-25 sigur á H71. Í steðginum vóru klaksvíkskvinnur á odda 14-10.
Sarah Spangsmand Madsen skoraði sigursmálið, tá 84 sekund vóru eftir av dystinum. Tað eydnaðist Stjørnuni at hóra undan seinastu løtuna, og so kundu tær stórfegnast um ein flottan heimasigur.
Mina Sirdal Henriksen og Tóra Eliasen (savnsmyndin) vóru við seks málum hvør toppskjúttar hjá Stjørnuni. Við seks málum var Maria H. Weyhe toppskjútti hjá H71.
H71 er framvegis fremst í deildini við 12 stigum. Stjørnan er næstfremst við átta stigum. Neistin hevur sjey stig, meðan EB og VÍF hava seks stig hvør. StÍF hevur trý stig, og Kyndil er aftast við tveimum stigum.
Klokkan 18 spæla VÍF og Neistin í høllini í Vestmanna.
HER ber til frá HSF at síggja dómaraseðilin frá dystinum millum Stjørnuna og H71:
-
©
