Maðurin sum hevur gjørt nakrar av mest ódeyðiligu sangum í poppsøguni, amerikanski tónasmiðurin Burt Bacharach, er deyður.
Tað skrivar fleiri miðlar – teirra millum amerikanski tíðindastovan AP.
Bacharach gjørdi seinast í fimmtiárunum og fram til áttatiárini nógvar poppsangir.
Millum teirra var »Raindrops Keep Falling on My Head«, sum var við í filminum »Butch Cassidy and The Sundance Kid«.
Mildu sangir hansara vóru millum annað mettir sum eitt bleytari alternativ til rock and roll-tónleikin í seksti- og sjeytiárunum.
Fleiri av løgum hansara verða mett at vera millum tey stóru løgini í poppsøguni.
Sum til dømis filmslagið »What's New Pussycat?«, sum Tom Jones fekk nógv burturúr. Ella klassikarin »That's What Friends Are For«.
Og so er tað »Raindrops Keep Falling on My head«. Hann førdi til at Burt Bacharach fekk ein Oscar í greinini Besti Originali Sangur.
Yrkisleiðin hjá Burt Bacharachs tók dik á seg í fimmti- og tíliga í sekstiárunum.
Hann vann pengar sum klaverspælari, orkesturleiðari og fyriskipari fyri Marlene Dietrich, sum hann eisini var á turne saman við.
Í 1957 hitti hann Hal David, sum kláraði seg sera væl sum teksthøvundur fyri Frank Sinatra. Fyrsta lag teirra,
»The Story of My Life"« kom á hittlistarnar í USA, og teir gjørdust eitt av heimsins bestu makkapørum.
Bacharach hevði tónleikin. David orðini.
Samstarvið endaði brádliga í 1973, tá tonleikurin til musicalin »Lost Horizon« gjørdist ein fiasko.
Hannv ar giftur fýra ferðir. Triðja hjúnalagið var við tekstahøvundan Carol Bayer Sager, sum hann í áttatiárunum skrivar fleiri sangir saman við.
Í 1993 giftist hann á fjórða sinni við Jane Hansen, sum hann fekk tvey børn saman við.
/ritzau/
