Óli Mittún og liðfelagarnir í GOG megnaðu í útidysti í innleiðandi bólki D móti ungarska liðnum, Szeged í Champions League at knógva javnleik 33-33, ið vinnur GOG víðari til annað umfarið í kappingini. Í steðginum var GOG á odda 20-17.

Óli skoraði fimm mál upp á átta málroyndir, og hann legði eisini upp til trý mál.

Sporting Lissabon er fremst í bólkinum við níggju stigum, meðan GOG hevur sjey stig. Tey bæði liðini vinna seg víðari í kappingini. Szeged hevur fýra stig, meðan Kristianstad einki stig hevur.

HER ber til frá Eurohandball at síggja ein samandrátt frá dystinum Szeged-GOG 33-33 (17-20). Við í brotinum er ótrúliga flotta málið Óli skoraði til endaligu støðuna 33-33, har hann fintar verjuna og hamrar bóltin uppundir nettakið: