Farna leygardag spældi Stjarnan við Inga Mariu Roysdóttir (myndin) á liðnum móti liðnum hjá Joan Rúnudóttir Johannesen og Agathu Kjærbæk Djurhuus, KA/Þór á Akureyri.

KA/Þór vann dystin 32-28. Í steðginum var heimaliðið á odda 17-13.

Inga Mariu stóð tó fyri einum framúr avriki. Hon skoraði 10 mál upp á 14 málroyndir, og hon legði eisini upp til trý mál. Hon var eisini staðfesti besti leikarin hjá Stjörnuni. Joan skoraði fyri heimaliðið fýra mál upp á fýra málroyndir. Agatha vann heimaliðnum seks brotskøst, sambært hagtølunum.

Fyri síni avrik eru Inga Maria og Joan vald á vikuliðið fyri sætta umfar í bestu íslendsku hondbóltsdeildini.

Tær sum manna vikuliðið hesaferð:

Málverji: Hafdís Renötudóttir (Valur)
Vinstri vongur: Rakel Oddný Guðmundsdóttir (Haukar) (2)
Vinstri bakkur: Bergrós Ásta Guðmundsdóttir (KA/Þór)
Spælskipari: Sandra Erlingsdóttir (ÍBV) (3)
Høgri bakkur: Inga María Roysdottir (Stjarnan)
Høgri vongur: Joan Rúnadóttir Johannesen (KA/Þór)
Strikuleikari: Perla Ruth Albertsdóttir (Selfoss)

Venjari: Jónatan Magnúsdóttir (KA/Þór)