Ferðin var so høg, at løgreglan tók koyrikortið á staðnum. Málið leggur upp til treytaleysa frádøming av koyrikortinum.

Løgreglan hevði annars eisini fleiri ferðslumál seinasta samdøgrið.

Fimm bilførarar fingu klipp í koyrikortið fyri at brúka fartelefon undir koyring.

Í Hoyvík var eitt lítið ferðsluóhapp, har ein bilur rullaði á ein annan bil. Eingin størri skaði verður nevndur í tí sambandinum.

Í Havn varð eisini skrivað eitt mál fyri brot á skilhaldsreglurnar. Talan var um ein persón, sum var fullur og larmaði illa.

Harumframt burturvísti løgreglan í nátt nakrar persónar frá einari adressu.