Í løtuni fiska fimm partrolarapør upsa og annað hvítfisk, men fiskiskapurin er einki serligur.
Tvey partrolarapør eru eisini á gulllaksaveiði. Vertíðin byrjaði í apríl og verður skjótt liðug.
Av djúpvatnstrolarunum fiska tveir blálongu og hava brúkiligan fiskiskap.
Á Fiskamarknaði Føroya vita tey at siga, at ein frystitrolari fiskar svartkalva í Eysturgrønlandi.
Í løtuni eru fýra av teimum smáu trolbátunum norðanfyri. Teir fáa mest av hýsu og so nakað av toski og flatfiski.
- Trolbátarnir hava brúkiligan fiskiskap, og teir koma allir inn at landa í næstu viku.
Tvey garnaskip fiska svartkalva, og tvey fiska havtasku. Fiskiskapurin er misjavnur.
- Øll garnaskipini koma inn at landa í næstu viku, vita tey á Fiskamarknaði Føroya at siga.
