Føroyingaliðið, HC Keypmannahavn hevur higartil staðið seg illa í næstbestu donsku hondbóltsdeildini hetta kappingarárið.
Men í kvøld megnaði liðið hjá Leivi Mortensen (myndin), Paula Jacobsen, Janusi Dam Djurhuus og Jónasi G. Djurhuus eitt framúr gott úrslit.
Oddaliðið, Skive var á vitjan í Bavnehøj høllini, og megnaði HC Keypmannahavn ein flottan javnleik. Dysturin endaði 30-30. Í steðginum var Skive á odda 17-14.
Leivur og Janus skutu trý mál hvør, og Jónas skoraði eitt mál.
HC Keypmannhavn er framvegis aftast í deildini, men nú við trimum stigum fyri tríggjar javnleikir. HC Keypmannahavn hevur tapt 10 dystir.
Leygardagin 6. desember klokkan 14 hevur HC Keypmannahavn aftur dyst á heimavølli. Hesaferð verður tað Aarhus, ið kemur á vitjan.
