Tað var heilt spennandi millum teir tríggjar bátarnar, sum higartil í summar hava kappast um fremsta plássið, tá ið 5-mannafør við gentum kappaðust í Miðvági, har tær høvdu fríska lotið ímóti.

Firvaldur og Hulda av Tvøroyri, Drekin úr Havn og Fípan Fagra úr Klaksvík vóru skjótt fremstu bátarnir í feltinum, har tað vóru 13 bátar.

Fram ímóti málinum misti Hulda, meðan tær umborð á Drekanum vístu seg at hava nógva orku og fóru eitt sindur frá hinum báðum bátunum. Kappingin um næstfremsta plássið var stór, og hana vann Fípan Fagra á Firvaldi.

Drekin endurtók sigurin fyri einari viku síðani, og nú er Drekin fýra stig undan næsta avbjóðaranum og harvið fremsti favorittur at vinna FM heitið.