Samstundis eru sjey kommunulæknastørv framvegis leys at søkja í Føroyum.
Marin Kristina í Dali varð í oktober liðug við sína serlæknaútbúgving, og næsti læknin verður eftir ætlan liðugur 30. november.
Harumframt verða tríggir aðrir læknar væntandi lidnir í 2027.
Útbúgvingin verður skipað í samstarvi millum Landssjúkrahúsið, Kommunulæknaskipanina og danska Videreuddannelsesregion Øst.
Tølini geva vón um fleiri kommunulæknar komandi árini, men tey loysa ikki trupulleikan beinanvegin.
Enn eru sjey størv leys, og tí er kommunulæknatrot framvegis í fleiri pørtum av landinum.
Ein av avgerandi spurningunum verður eisini, hvussu nógvir av teimum, sum nú útbúgva seg, velja at taka fast starv í Føroyum, tá útbúgvingin er liðug.
Kelda: Landssjúkrahúsið/Kringvarp Føroya
