Sarfaarsuit Center er spildurnýggj keypsmiðstøð, og miðstøðin læt alment upp hósdagin 29. oktober í býarpartinum Nuussuaq í Nuuk.

Í nýggju keypsmiðstøðini er eisini Burger King, og Sermitsiaq veit at siga, at bara síðan upplatingardagin eru fleiri enn 10.600 burgarar seldir.

Tá keypsmiðstøðin læt upp, sást týðiliga, at Burger King var stóra trekkplástrið.

Sagt verður, at umsetningurin hendan fyrsta dagin setti øll met fyri alla ketuna í danska kongaríkinum.-

- Eingin onnur Burger King matstova í kongaríkinum hevur selt so nógv á upplatingardegnum sum Burger King í Sarfaarsuit Center í Nuuk

Sermitsiaq veit at siga, at seinasta vikusakiftið setti matstovan met fleiri ferðir.

- Fram til sunnukvøldið seldu vit burgarar svarandi til, at meira enn annar hvør íbúgvi í Nuuk keypti sær burgarar, verður sagt úr Grønlandi.