Vegna óregluligan postflutning við Atlantsflog - og tað at flogferðslan er darvað av veðri í dag, eru eingin bløð komin til landið. Tað merkir, at haldarar hjá Sosialinum og Dimmlætting ikki fáa bløðini við postinum í dag – men í fyrsta lagi mánadagin.

Koma bløðini í kvøld, so verða tey at fáa í leysasølu flestu staðir kring landið í morgin.

Haldarar hjá Sosialinum kunnu kortini lesa blaðið á netinum. Sosialurin hevur fingið nýggja skipan á netinum, har haldarar kunnu lesa øll bløðini – líka aftur til fyrsta eintakið av Sosialinum, sum kom á gøtuna 24. mai í 1927.

Tað ber eisini til at tekna nýtt hald á netinum. Við at gjalda við gjaldskorti fæst atgongd at lesa alt fyri eitt.

Loggið á Sosialin við at trýsta her: https://blad.sosialurin.fo/

Haldarar, sum ikki hava loggað á nýggju skipanina, skulu skriva sína teldupostadressu og síðani trýsta á 'gloymdi tú loyniorðið', so kemur nýtt loyniorð sendandi við telduposti.

(Tað ber tó framvegis til at lesa blaðið í gomlu skipainini, https://sosialurin.e-pages.pub, har tú kanst logga á við haldaranummarinum).