- Øll partrolarapørini eru til fiskiskap og fiska upsa og annan hvítfisk, men partrolararnir hava smáligan fiskiskap.

Soleiðis siga tey á Fiskamarknaði Føroya í dag um ráfiskaútlitini fyri næstu vikuna.

Um djúpvatnstrolararnir verður sagt, at tveir ísfiskatrolarar eru á Íslandsrygginum.

- Báðir koma inn at landa í næstu viku, verður lagt aftrat.

Ein djúpvatnstrolari fiskar á djúpum vatni. Teir fáa svartkalva, blálongu og annan djúpvatnsfisk.

Av teimum smáu trolbátunum er ein eystanfyri í løtuni.

- Teir fáa havtasku, upsa og longu og koma inn at landa síðst í vikuni.

At enda fiska trý garnaskip svartkalva.

- Garnaskipini hava brúkiligan fiskiskap, og øll koma inn at landa í næstu viku, siga tey á Fiskamarknaði Føroya.