- Ísfiskalínuskipið liggur við bryggju, men fer væntandi avstað í vikuskiftinum.

Tað siga tey á Fiskamarknaði Føroya í dag.

Um frystilínuskipini, sum eru fleiri í tali, er meira at siga, og her verður sagt soleiðis:

- Tvey eru á Flemish Kap, eitt er í Eysturgrønlandi, og sjey fiska í føroyskum sjógvi.

Sagt verður, at skipini, sum eru á Flemish Kap og í Grønlandi, fiska tosk og skipini, sum fiska undir Føroyum, fáa eina blanding av toski, hýsu, longu og brosmu.

Um útlitini til útróður verður sagt, at streymurin verður hampiligur, og veðrið verður eisini brúkiligt.

- So, vit rokna við, at nakað verður av útróðri, og útróðrarbátarnir fáa mest av hýsu og so nakað av toski, verður lagt aftrat.