Drigið er til triðja umfarið í European Cup, har kvinnurnar hjá H71, VÍF og Neistanum skulu kappast aftaná at hava vunnið seg víðari úr øðrum umfarinum við greiðum sigrum á liðum úr Kosovo og Luksemborg.

H71 skal í triðja umfarinum spæla móti ukrainska liðnum, Galychanka. Neistin møtir LK Zug úr Sveis, og VÍF møtir HK Slovan Duslo Sala úr Slovakia.

Dystirnir skulu leikast í døgunum millum 7. og 14. november.

Møguleiki er fyri, at føroysku liðini avgreiða báðar dystirnar í einum vikuskifti, antin heima í Føroyum ella á leikvøllinum hjá mótstøðuliðnum.

Í øðrum umfarinum leiktu Neistin og VÍF báðar dystirnar niðri í Kosovo, meðan H71 leikti báðar dystirnar móti HB Differdange í Hoyvíkshøllini.