Hann er heilt originalur við somu nummarplátum, sum hann hevur havt frá byrjan: Fø 6.943. Tað eru nokk fleiri sum minn-ast, at bilurin fyri nøkrum árum síðan var við í reklam-uni um grønmetisleyparnar hjá Miklagarði.
Upprunaliga var tað Johannes Slættanes, ið keypti bilin nýggj-an frá Alfred Johannesen, sum var umboð fyri Volvo í Før-oy-um.
Johannes Slættanes hevði heilsøluna Føroya Tubbaksølu í Niels Finsensgøtu í Havn. Tá Johannes Slættanes gavst, tók son-ur-in Kári Slættanes yvir sum triðja ættarlið.
Fyrsti bilurin hjá Johannes Slættanes var ein Morris Min-or pick-up, síðan ein Volvo PV vøruvognur, sum í 1966 varð skift-ur út við hendan Volvo PV 210 Duet.
Kona Johannes Slættanes, Sanna, var ommusystir Jón Her-luf, so bilurin er framvegis í familjuni. Talan er um ein bil, sum er 59 ára gamal.
Í 1987 var bilurin settur inn til at gera í stand. Jón Herluf og vin-maðurin Gunnar Dølum fóru í holt við at restaurera bilin.
Stórt arbeiði varð lagt í at gera bilin so væl sum gjørligt. Bilurin var so gott sum sundurtikin, og væl var pussað, reins-að og sveisað, áðrenn bilurin bleiv lakkeraður. Bilurin stóð lið-ug-ur og nýlakkeraður í januar 1992. Tá var hann settur í stand bæði innan og uttan.
Jón Herluf er útbúgvin bilmekanikari og hevur altíð havt stóran áhuga fyri bilum, eisini gomlum bilum. Hann var eisini ein av fyrstu limunum í áhugafelagnum Føroya Ellis-akfør-, tá felagið varð stovnað í 1992.
Volvo PV var stóra nýggjheitin
Søgan um Volvo PV er í stuttum hendan: Tann 1. sep-tem-ber 1944 læt tann nýggja høllin, Royal Tennis Hall í Stok-holm, hurðarnar upp til eina framsýning, sum fekk stór-an týdning fyri framtíðina hjá Volvo.
Stóra nýggjheitin á framsýningini var Volvo PV444. Heilir 2.300 sølu-sáttmálar vórðu undirskrivaðir upp á nýggjar PV444, hóast tað tók nøkur ár, til bilarnir vóru klárir at fram-leiða í 1947. Tá kom rættilig gongd á søluna, og bilurin bleiv byrjanin til stóra útflutningin av Volvo bilum til USA.
Fyrsti Volvo, sum kom til Føroyar, var ein svartur PV544, sum Leif Mohr keypti. Tann annan Volvo keypti Christian Dahl-Rest-orff á Hotel Hafnia. Tað var ein myrkabláur PV544 stat-i-on-car við ljósari tekju og dekkum við hvítari síðu. Hann hevði 3 gear og pláss til 5 persónar.
2.052 akfør í Føroyum í 1965
Hvussu nógv akfør vóru í Føroyum í 1966, tá dagsins ellisakfar kom á marknaðin, vita vit ikki heilt. Gomlu hagtølini hjá løgregluni, sum tá hevði skrásetingina av ak-før-um, fra sekstiárunum, er uppgjørd fyri fimta hvørt ár. Men árið fyri, í 1965 vóru til-sam-ans 2.052 akfør í Føroyum sambært hagtølunum. Av teimum vóru 572 vøru- og last-vognar, 563 mortorsúkklur, 521 persónbilar, 337 hýruvognar, 54 buss-ar, 3 sjúkra-vogn-ar og 2 brandvognar. Sum sæst so er størsti bólkurin vøru- og last-vogn-ar, og 1965 er fyrsta árið, at persónbilarnir yvirhála hýruvognarnar í tali. Í dag eru 27.729 persónbilar, 4.854 vøru-vogn-ar og 739 lastbilar. Tilsamans eru í dag (1. mars) 42.067 akfør í Føroyum.
