Hans Holm er næsti granni hjá Smæruni, har Búskaparráðið í dag legði fram frágreiðingina um fíggjarpolitiska haldførið. Men eru umstøðurnar góðar í Smæruni, sum Starvsfelagið eigur, til slíkar framløgur, so er parkeringsviðurskiftini út av lagi vánalig.
Hans Holm, sum fyllir 90 ár í næstum, býr beint yvir av Smæruni í J.H. Schrøters gøtu. Hann slapp ikki inn á sítt egna parkeringspláss, tí ein »analfabetur« hevði parkerað har, sum hann málbar seg.
Og »analfabeturin« var ikki hvør sum helst, men eitt av hægsti fólkunum á tingi – sum í skundi ella tankaloysi hevði sett sín Mercedes á privata parkeringsplássið hjá Hans Holm.
