Fyrrapartin vita útlendskir miðlar at siga, at ein røð av flogførum í morgun eru rakt av bumbuhóttanum.

Avleiðingin hevur verið, at flogfør hava verið noydd at trygdarlent, og onnur hava verið víst til aðrar flogvallir.

Norska kringvarpið NRK veit at siga, at eitt Finnair-flogfar hevur lent trygt í Róm, eftir at italska loftverjan hevði fylgt flogfarinum.

Sagt verður, at trý flogfør, sum vóru á veg til Belgia, noyddust sambært myndugleikunum at trygdarlenda.

Eitt LOT-flogfar, sum skuldi til Warszawa og eitt Aer Lingus-flogfar úr Dublin vórðu víst til Róm.

Haraftrat noyddist eitt stórt ferðafólkaflogfar, sum skuldi úr Dublin til Róm, at lenda í Fraklandi.

- Ein røð av bumbuhóttanum hava verið í Evropa seinastu vikuna, men tær hava allar verið falskar, veit norska kringvarpið NRK at siga fyrrapartin.

´