Russiski skiparin og ein matrósur á handilsskipinum Fitburg eru í finskum rætti í Helsinki dømdir í fongsul fyri herverk eftir at hava slept akkerinum og gjørt skaða á tveir telefonkaðlar í Eystursjónum.

Tað var hin 31. desember í 2025, at tveir kaðlar vórðu oyðilagdir. Sagt verður, at skipið dró eitt oyðilagt akker eftir havbotninum í minsta lagi 13 fjórðingar.

Hetta hendi búskaparligum øki hjá Estlandi.

Skiparin er dømdur í fongsul trý ár og seks mánaðir og matrósurin, sum eru úr Aserbadjan, er dømdur tvey ár og tíggju mánaðir.

Handilsskipið Fitburg var á veg úr Russlandi til Ísraels, tá hendingin fór fram, og tað vóru finsku myndugleikarnir, sum løgdu hald á skipið.

Sambært tv2.no siga teir dømdu seg ikki hava gjørt nakað skeivt og halda, at tað er kki Finnland, sum hevur løgfrøðiligu rættindini í málinum.

Dømdu menninir eru skiparin og russarin, Andrei Maksimenko og matrósurin úr Aserbadjan, Vusal Majidov, og tað vóru telefonkaðlar millum Helsinki og Tallinn í Estlandi, sum vórðu slitnir.

Fitburg var á veg úr St. Pætursborg í Russlandi til Haifa í Ísrael.