Russiski guvernørurin á Krim-hálvoynni, Sergej Aksionov, sigur, at Kertsj-brúgvin aftur er álopin.
Tað var í 2014, at Russland tók oynna frá Ukraina, og nøkur ár eftir varð longsta brúgv í Evropa bygd út á Krim.
Ukraina hevur áður lopið á brúnna, síðan Russland gjørdi innrás í Ukraina í februar í 2022, og soleiðis hevur eisini verið seinastu dagarnar.
Í Ukraina verður sagt, at hetta er teirra svar upp á, at Russland afturvendandi loypur á ukrainskar brúgvar.
Ella - soleiðis, sum tú ert ímóti mær, eri eg ímóti tær.
Sambært útlendskum tíðindamiðlum í kvøld er hetta triðja ukrainska álopið á Kertsj-brúnna seinastu dagarnar.
Krim-brúgvin, sum hon eisini verður rópt, hevur alstóran strategiskan og symbolskan týdning fyri russiska forsetan, Vladimir Putin.
Sambært guvernørinum á Krim, Sergej Aksionov, verður nú kannað, hvørjar avleiðingar nýggju álopini á brúnna hava havt.
Meðan hetta verður kannað, er øll ferðsla eftir brúnni steðgað, leggur hann aftrat.
Sambært útlendskum miðlum er siglingarrennan undir Kertsj-brúnni tipt, tí vegabreytin til bilaferðslu á brúnni er rapað.