Ein maður datt góðar tríggjar metrar niður av einum stilladsi á einum byggiplássi í Klaksvík um hálvgum tíggju tíðina mánamorgunin.
Maðurin varð fluttur á Landssjúkrahúsið. Vaktleiðarin hjá løgregluni hevði í morgun ongar nærri upplýsingar um, hvussu illa maðurin var løstaður. Tá løgreglan seinast frætti, hevði maðurin enn ikki verið til skanning.
Arbeiðseftirlitið er boðsent, og umstøðurnar kring óhappið skulu kannast.