Stjørnan er nú fremst í SMS-deildini.
Stjørnan vann í kvøld á heimavølli í KÍ-høllini 33-28 á Kyndli. Í steðginum var støðan 17-10 til Stjørnuna.
Jancy Jógvansdóttir Poulsen og Mina Sirdal Henriksen vóru toppskjúttar hjá Stjørnuni. Bára Krossteig Hansen var toppskjútti hjá Kyndli. Tær skutu allar sjey mál hvør.
Í høllini á Eiði eydnaðist tað Neistanum at vinna 26-22 á EB. Í steðginum vóru neistakvinnur á odda 15-13.
Við átta málum var Maria Fisker Stokholm toppskjútti hjá EB. Anna Sigrunardóttir Mikkelsen var toppskjútti hjá Neistanum, somuleiðis við átta málum.
Í høllini í Vestmanna vann VÍF 32-26 á StÍF. Í steðginum vóru vestmenningar á odda 16-12.
Við níggju málum var Rakul Borgarlíð Joensen toppskjútti hjá VÍF. Við seks málum var Eyðbjørg K. Skoradal toppskjútti hjá StÍF.
Stjørnan er fremst í deildini við 16 stigum fyri 11 dystir. H71 er nummar tvey við 14 stigum. Neistin hevur 13 stig, VÍF hevur 12 stig og EB hevur 10 stig. Tey hava øll leikt 10 dystir. StÍF er næstaftast í deildini við trimum stigum. Kyndil er aftast í deildini við tveimum stigum.
HER eru dómaraseðlarnir frá HSF frá dystunum í SMS-deildini, ið vóru leiktir í kvøld:
-
©