– Nei, Sjálvstýri og Kristin Michelsen hava ongan trupulleika við at peika á Aksel V. Johannesen sum løgmann og at fara í samgongu við Javnaðarflokkin.
Tað segði Sámal Petur í Grund á tíðindafundi hjá Sjálvstýrinum fyri løtu síðani, at valskrá floksins varð løgd fram.
– Vit hava tosað við Kristin Michelsen um hetta málið, og tað er ikki ein trupulleiki meira. Hansara støðva var bara galdandi til síðsta løgtingsval, sigur Sámal Petur í Grund.
Eftir at Kristin Michelsen varð koyrdur úr Javnaðarflokkinum í 2019 og ikki slapp at stilla upp aftur fyri Javnaðarflokkin, skifti hann til Sjálvstýri og varð valdur sum einasta tingumboð floksins á seinsta løgtingsvali. Tá var tað, at Kristin Michelsen valkvødlið segði, at fremsta mál hansara var, at Aksel V. Johannesen ikki skuldi gerast løgmaður aftur.
Men tað er altso ikki galdandi meira, segði Sámal Petur í Grund, formaður í Sjálvstýri á tíðindafundinum.
Kristin Michelsen var ikki við á framløgufundinum hjá Sjálvstýrinum, tí hann er burutrstaddur.