Tveir vóru møguleikarnir við gomlu tekstunum, løgunum og guitarakkordum, tá ið Niels Juel fyri nøkrum árum síðani ruddaði upp í gomlum pappírum: At koyra alt í skrell, ella at støva tað av og gera okkurt við tað.
Valið fall á seinna møguleikan, og fyribils úrslitið er nú tveir sangir, ið verða givnir út á Tutl Records. Uni Debess legði til rættis, framleiddi og spælir guitar, bass, trummur og onnur ljóðføri. Finnur Hansen leikar klaver og ljómborð. Jens Marni Hansen syngur kór. Lena Anderssen var inn yvir úttalu og Graham Stewart tekstir, skrivar Tutl í tíðindaskrivi.
Hetta er fyrstu ferð, at Niels Juel, sum ikki er nakar ársungi, árssnældan sló seksti herfyri, og gevir tónleik út. Men hann vaks upp í plátusavninum hjá Útvarpinum og hevur tí lurtað sera nógv eftir eldri tónleiki. Hetta hoyrist kanska. Hann lærdi nakrar akkordir á guitarinum sum ungur og spælir til húsbrúk.
Home er ein tónleikaligur fagnaður til Føroyar av Niels Juel Arge. Hann viðurkennir eina djúpa kenslu av at hoyra til og kærleika til heimlandið gjøgnum livandi myndamál og persónlig sambond.
Niels Juel er tenorur í Tórshavnar Kamarkóri og hevur seinastu árini gjørt nógv við vektlyfting og vunnið fleiri altjóða heiðursmerkir fyri masters. Eisini er svimjing á skránni og nógvir túrar ímillum oyggjarnar, m.a úr Stóru Dímun til Sandvíkar, sum víkingurin Sigmundur segðist svimja við frændum, tá Tróndur vildi drepa hann.
Útgivið 22. oktober 2026 av Plátufelagnum Tutl.
