Óli Mittún og liðfelagarnir í GOG høvdu torføran dyst á útivølli íinnleiðandi bólki D í Champions League niðri í Ungarn móti lokala stórliðnum, Szeged.
Szeged hevði eina greiða favorittstøðu hjá veddingarfyritøkunum, men Óli og liðfelagarnir megnaðu at knógva javnleik 33-33, ið vinnur GOG víðari til annað umfarið í kappingini. Í steðginum var GOG á odda 20-17.
Óli skoraði fimm mál upp á átta málroyndir, og hann legði eisini upp til trý mál. Hjalte Lykke var við átta málum toppskjútti hjá GOG.
GOG og Sporting Lissabon hava sjey stig hvør, meðan Szeged hevur fýra stig, og kann í besta førinum røkka seks stigum. Klokkan 19.45 byrjaði dysturin í Lissabon milum Sporting og Kristianstad, ið einki stig hevur vunnið í kappingini.
Komandi hóskvøld klokkan 18.45 - klokkan 17.45 føroyska tíð - byrjar dysturin í Arena Svendborg, bólkafinalan millum GOG og Sporting Lissabon.
