Einaferð hevði Føroyabanki og toskurin haðani stóran tydning fyri føroyska búskapin, og Faroe Bank Bacalo er eitt sterkt brand, sum enn livir í Spania og serliga í baskaralandinum.

Framvegis hava vit ein útlutning av saltfiski á nøkur túsund tons um um árið, og framvegis er okkara saltfiskur sera høgt í metum sunnanfyri.

Nú Jákup Sverri herfyri kom aftur av túri av Føroyabanka, har skipið hevur gjørt regluligar heystyvirlitstrolingar, verður vikuskiftið, 9, og 10. oktober, aftur skipað fyri vælumtóktum Føroyabanka-kvøldum á Barbaru og Áarstovu í Havn.

Til høvið hevur PRG, sum er Fiskavirkið í Gøtu, fingið tosk av Føroyabanka, sum verður saltaður í Gøtu til hesi bæði kvøldini, sum so stórur áhugi er fyri.

PRG er okkara elsti saltfiskaframleiðari, og í 2029 kann felagið hátíðarhalda 100 ára dagin.

P/F Fiskavirkið, sum verður rikið undir sølunavninum PRG, hevur sín uppruna fyri skjótt 100 árum síðan.

Í fleiri ár hevur Páll Gregersen, sum vit síggja á myndini her niðanfyri, staðið á odda fyri virkseminum á fiskavirkinum í Gøtu.