Tað var seinasta fríggjamorgun, at fýra útlendsk ferðafólk leigaðu sær ein bát í Averøy í Noregi og fóru út at fiska. Tey vóru partur av einum ferðalagi, sum taldi átta fólk.

Men, hesin dagurin gjørdist ein lagnudagur hjá teimum fýra. Tá tey ikki vóru komin til lands aftur um kvøldið, varð leiting sett í verk við bæði skipum og tyrlum.

Í myrkrinum um náttina varð báturin funnin, og tá varð eisini eitt av ferðafólkunum funnið sjólátið.

Báturin var holvdur og fullur í sjógvi. Tá roynt varð at taka hann upp, fór báturin í tvey. Fyrrapartin í dag hevur løgreglan deilt myndir av bátinum.

Í dag hevur verið umhugsað, um nýggj leiting skuldi setast í verk eftir teimum trimum, sum framvegis eru saknað, men nú verður ikki leitað eftir fólki á lívi.

Vit kunnu leggja aftrat, at í Noregi er vanligt at leiga bátar til fiskitúrar, og seinastu árini hava fleiri deyðsvanlukkur verið í hesum sambandi.