Írski rennarin, Ciara Mageean, er deyð av krabba, bert 34 ára gomul. Fyri tveimum árum síðan vann hon EM-gull.
Familja hennara hevur í dag kunngjørt deyðsfallið á Instagram.
- Klokkan 06.30 í morgun tapti Ciara stríðið móti krabbameini, og hon var umgyrd av sínum nærmastu.
Familjan sigur, at Ciara Mageean var ein høgt elskað dóttir, systir, kona og vinur, og hon gav mongum íblástur.
- Hon verður nógv saknað, verður lagt aftrat.
Ciara Mageean gjørdist evropameistari í 1500 metrum so seint sum í 2024, og hon vann silvur í 2022 og bronsju í 2016.
Hon luttók tvær ferðir í OL
Í fjør fekk hon staðfest tarmkrabba. Fyri einum mánaði síðan giftist hon við Thomas Moran, skrivar ávísin, Belfast Telegraph.
- Vit hava so nógv at síggja fram til. Tommy og eg hava trúlovað okkum. Vit høvdu altíð ætlað at gift okkum fyri næsta OL, segði Ciara Mageean við írsku ávísina í juni í ár.
Lagt verður aftrat, at krabbasjúkan framskundaði brúdleypið hjá Ciara Mageean og Thomas Moran.
