Russiski guvernørurin í Nizjnij Novgorod-regiónini, Gleb Nikitin, sigur frá einum hørðum ukrainskum dronuálopi í nátt.

Hann leggur aftrat, at eitt ídnaðaranlegg í Kstovo-økinum hevur fingið stórar skaðar.

Ukrainskir myndugleikar siga, at málið við álopinum var eitt av størstu oljureinsiverkunum hjá Russlandi í Kstovo.

Fríggjadagin søgdu tey í Kreml, at Ukraina hevði tikið uppaftur álopini móti russisikum oljureinsiverkum eftir steðg í fleiri dagar.

Ein russiskur embætismaður, Aleksandr Novak, sigur, at trý reinsiverk og eitt kemiskt anlegg í økinum eru rakt í ukrainsku álopunum.