Fyrstu minningarhaldini byrja klokkan 11.
Í Svínoy verður minningarhald við minnisvarðan klokkan 11, har Helgi Mortensen flytur fram røðu og kransar verða lagdir.
Somuleiðis klokkan 11 verður allahalgannagudstænasta í Miðvágs kirkju, og aftaná verða kransar lagdir við minnisvarðan. Klokkan 16 verður eisini allahalgannakvirra í kirkjuni, har Livar Nysted greiðir frá lagnutúrinum við Nadoddi.
Í Sørvági verður gudstænasta og minningarhald eisini klokkan 11. Marjun í Kálvalíð, prestur, talar.
Á Tvøroyri verður minningargudstænasta í Tvøroyrar kirkju klokkan 11. Jákup Erlingsson Petersen, prestur, hevur gudstænastuna. Síðani verða kransar lagdir við minnisvarðan á Torvheyggi.
Klokkan 12 verður minningargudstænasta í Gjáar kirkju. Jonhard Jógvansson talar, og síðani verður farið til minnisvarðan at leggja kransar.
Klokkan 13 verður minningarhald við minnisvarðan í Skálavík, har Havstein Klein, prestur, talar.
Á Syðradali byrjar minningarhaldið klokkan 13.30. Marjun Lómaklett, sóknarprestur, flytur fram røðu, og kransar verða lagdir.
Klokkan 14 eru fleiri minningarhald.
Í Fuglafirði verður minningarhald við minnisvarðan, har Annbjørg Abrahamsen heldur røðu.
Í Havn verður minningarhald á Vinnuháskúlanum, Nóatún 2. Beinir Johannesen, løgmaður, talar, og Heri Joensen, prestur, hevur andakt. Síðani leggur løgmaður krans við minnisvarðan í Viðarlundini.
Á Sandi verður minningarhald við minnisvarðan klokkan 14, har Havstein Klein, prestur, talar.
Í Hósvík verður minningarhald í Hósvíkar kirkju klokkan 14. Tummas Lykke Kannuberg, sóknarprestur, talar, og síðani verður farið til minnisvarðan at leggja kransar.
Á Eiði verður minningargudstænasta klokkan 14.30 við Jonhardi Jógvanssyni, presti. Eftir gudstænastuna verður farið til minnisvarðan at leggja krans.
Klokkan 15 verða minningarhald fleiri staðni.
Í Klaksvík verður minningarhald við minnisvarðan í gamla kirkjugarði. Pól Johannesen, trúboðari, flytur fram røðu, Vitin syngur, og kransar verða lagdir.
Í Skopun verður minningarhald við minnisvarðan, har Havstein Klein, prestur, talar.
Á Toftum verður minningarhald í Fríðrikskirkjuni. Gimmi Olsen, prestur, talar, og musikkskúlanæmingar luttaka. Síðani verður farið til minnisvarðan at leggja kransar.
Í Søldarfirði verður minningarhald við minnisvarðan, har Sólborg í Grund Bøgesvang talar.
Í Vági verður minningarhald teirra sjólátnu klokkan 15. Harumframt er lestur í Vágs kirkju klokkan 11 og allahalgannakonsert við kirkjukórinum Ljómi klokkan 18.
Í Hvalba verður minningarhald við minnisvarðan klokkan 15. Hanus Pál Jógvansson, prestur, talar, og kransur verður lagdur.
Í Kollafirði verður minningarhaldið í Missiónshúsinum klokkan 15. Annika M. Gaard, prestur, luttekur.
Í Vestmanna verður minningarhald í Vestmanna kirkju klokkan 15. Lis Samuelsen, prestur, sigur nøkur orð, og Vestmanna Sangkór syngur. Drekkamuður verður aftaná.
Klokkan 15.30 verður minningarhald í Haldórsvíkar kirkju. Tummas Lykke Kannuberg talar, og síðani verður farið niðan til minnisvarðan.
Klokkan 16 verður farið til minnisvarðan í Leirvík, har kransar verða lagdir. Klokkan 16.30 heldur minningarhaldið fram í miðhøllini í Leirvíkar skúla, har Árni Jacobsen flytur fram røðu.
Á Strondum verður minningarhald við minnisvarðan klokkan 16. Torleif Johannesen, sjómanstrúboðari, talar. Um veðrið ikki er til vildar, verður haldið í bygdahúsinum.
Í sambandi við minningarhaldið á Syðradali fer Sam úr Klaksvík klokkan 13 og av Syðradali aftur klokkan 15.50 og 17.35. Úr Svínoy fer Jósup sambært kunningini umleið klokkan 14.
Í Havn verður eisini gudstænasta í Dómkirkjuni klokkan 20 sum framhald av almenna minningarhaldinum.
