Hann væntar, at fíggingin verður sett saman av almennum stuðli, privatum peningi og gjøldum frá teimum, sum fara at nýta tunlarnar. Tað er tó framvegis nógv arbeiði eftir, áðrenn ein samlað fíggingarætlan er komin upp á pláss.
Oyggjatingið hevur samtykt at raðfesta eitt fast samband til Yell fyrst og síðani eitt samband til Unst. Ætlanin fyri samferðsluna millum oyggjarnar fevnir eisini um at endurnýggja ferjur og bøta um havnaumstøðurnar.
Skotska stjórnin hevur boðað frá 23 milliónum pundum næstu trý árini til fyrireikandi arbeiði í sambandi við tunnilin til Yell.
Sambært Gary Robinson heldur oyggjatingið fram við samráðingum við bæði skotsku og bretsku stjórnina og við privatar áhugapartar. Hann væntar ikki, at ein einstakur fíggingarpartur fer at bera allan kostnaðin, og metir tí, at tunnilsgjøld helst verða ein partur av loysnini.
Eingin endalig avgerð um tunnilsgjøld ella upphæddir er tó fráboðað. Ein frágreiðing um næsta stigið í arbeiðinum skal eftir ætlan leggjast fyri oyggjatingið í november.
