Rigmor Andreassen, Henning Mortensen og Vilhelmina Johannesen loystu fyrstu fløgini undir hátíðarløtuni á Argjum seinnapartin.

Rigmor Andreassen er 99 ára gomul og elsta fólk á Argjum. Hon var eisini fyrsta kvinnan, sum sat í Argja kirkjuráði.

Henning Mortensen er ein av teimum fáu, sum enn eru á lívi av teimum, ið vóru við til at byggja verandi kirkju og missiónshúsið á Argjum. Arbeiðið varð tá gjørt við sjálvbodnari arbeiðsmegi.

Vilhelmina Johannesen hevur eisini sitið í kirkjuráðnum og hevur í nógv ár verið ein av trúføstu kirkjugangarunum á Argjum. Hon hevur eisini lisið søgur fyri børnunum í sunnudagsskúlanum.

Fróði Olsen, kirkjuráðsformaður, segði, at tað var kirkjuráðnum ein stórur heiður, at júst hesi trý vildu loysa fyrstu fløgini.

Síggj løtuna í videobrotinum omanfyri.