Tað endaði við málleysum javnleiki, tá ið TB tíðliga seinnapartin í Trongisvági hevði vitjan av FC Hoyvík.

Í gjárkvøldið vað FC Hoyvík trýst undir niðurflytingarstrikuna, tá ið HB fram ímóti dystarenda javnaði til 1-1 í Fuglafirði.

Fyri møguleikan hjá FC Hoyvík at sleppa undan at flyta niður, var tað sera týdningarmikið, at tað á útivølli í Fuglafirði eydnaðist at vinna 2-1.

Í dag var FC Hoyvík í Trongisvági, og enn einaferð eydnaðist tað at vinna stig á útivølli. Tað kemur væl við, men einki er at siga til tað, um teir í FC Hoyvík iðra seg um, at øll stigini ikki eru við á ferðini um Suðuroyarfjørð. Serliga síðstu løtuna vóru gestirnir nógv í álopsstøðu. Teir vunnu fleiri hornaspørk, og teir spældu seg til góðan málmøguleikar, uttan a tað eydnaðist at skora.

Hetta var triði dysturin á rað hjá TB uttan sigur. Eftir 3-2 tap á heimavølli ímóti Víkingi endaði tað 4-4, tá ið TB var í Gundadali og spældi ímóti HB.

TB er á fimta plássi við 31 stigum. Tað eru seks stig fram til ÍF, sum leygardagin 10. oktober í Fløtugerði í Fuglafirði verður mótstøðuliðið hjá TB.

Leygardagin 10. oktober fær fC Hoyvík vitjan av Víkingi.