- Garasjan hjá Georg er næstan ímyndin av Sjóvar kommunu, og flestu tiltøk á Strondum eru við hesa kendu garasju.

Soleiðis siga tey í Sjóvar kommunu í dag.

Men, garasjan er í ringum standi nú, og tíðin er komin at gera okkurt við hana.

- Í morgun er arbeiði við at taka garasjuna niður, byrjað, og tá hon er bygd upp aftur, verður hon eitt prýði fyri bygdina.

Ætlanin, siga tey í Sjóvar kommunu, at garasjan hjá Georg framhaldandi skal vera snúningsdepilin fyri tiltøk á Strondum.

- Vit gleða okkum til nýggi og prýðiligi bygningurin verður klárur at taka í brúk, siga tey í Sjóvar kommunu í dag.