Í Skotlandi er ein kapping tey nevna Challenge Cup.
Kappingin er fyri eykalið - B lið - hjá teimum fremstu feløgunum, og so fyrstu liðini hjá feløgunum í teimum lægru skotsku fótbóltsdeildunum.
Mánakvøldið var Aron Benjaminsen við frá dystarbyrjan, ið spældi dyst á útivølli móti Airdrieonians, ið annars spælir í triðbestu deildini, League One.
Við einum dundurskoti í 18. minutti og einum góðum frísparki í 24. minutti syrgdi Aron við sínum fyrstu kappingarmálum fyri Hearts, at Hearts B legði seg á odda 2-0. Men heimaliðið minkaði um munin undan steðginum, og teir skoraðu tvey mál í seinna hálvleiki.
Hearts B hevur vunnið tríggjar og hevur tapt tríggjar dystir í Challenge Cup, ið er skipað sum eitt deildarspæl.
HER ber til frá Instagramkontuni hjá Hearts at síggja bæði málini Aron skoraði móti Airdrieonians:
https://www.instagram.com/reel/DeeSXSrImtO/
