Tað merkir, at ríkisveitingin lækkar 100 milliónir næsta valskeiðið, um samgongan heldur í fýra ár.
Tá Javnaðarflokkurin og Framsókn samráddust við Sambandsflokkin, var semja um at lækka ríkisveitingina við 10 milliónum um árið. Samráðingarnar slitnaðu uppá, at Framsókn vildi hava ríkisveitingina at lækka við 15 milliónum um árið. Tað ljóðaði, at Sambandsflokkurin vendi aftur og góðtók tað.
Tey, sum nú samráðast, er farin eitt sindur longur, og lækka ríkisveitingina 25 milliónir um árið.
Út frá tí kann staðfestast, at nú vilja allir flokkar á tingi lækka ríkisveitingina – eisini Javnaðarflokkurin og Sambandsflokkuin – og at Føroyar skulu hava ein sjálvberandi búskap.