Uppskotið til eina stóra vindmyllulund í Klivaløkshaga  á Sandi er sera illa umhuxað og vil, um tað verður framt, verða herverk á eina av okkara fínastu perlum í Guðs skapanarverki, økið er einastandandi við vakurleika og við einum av ríkastu fuglaøkjum í Føroyum sum serfrøðingurin Silas Olofsson vísir á. Rættast er at alt økið var friðað sum ein tjóðarpark.  Missurin av Klivaløkshaganum vil verða ómetaliga stórur bæði fyri Sandingar og okkum øll sum vit hoyrdu Jóanness Í Miðstovuni bera fram.

Eg heiti á leiðslurnar á Magn og Effo um ikki at bjóða uppá hesa vindmyllulund, tað vil gleða nógvar av teirra kundum sum virðismeta okkara náttúru ella  tað sum enn er eftir av henni. Vit bjarga ikki nátturuna og heimin við at oyða okkara bestu grønu blettar her á landi.

Vit mugu ikki gloyma hvussu Eiðis Kommuna samanvið Fuglafrøðifelagnum nøkur ár herfyri gjørdu manngarð kring vakra økid Millum Tjarna við Eiði og fingu støðgað ætlanini við vindmyllum i økjunum. Eg vóni vit skjott hoyra fra FNÚ og Fuglafrøðifelagnum og teirra stuðul ímóti lundini í Klivaløkshaga.

Johan Mortensen