Liðið hjá landsliðsmálverjanum, Rakul Wardum, Skanderborg hevur higartil tapt níggju av tíggju dystum í bestu donsku hondbóltsdeildini hetta kappingarárið.
Í kvøld tapti Skanderborg á útivølli 26-32 fyri Silkeborg-Voel. Í steðginum stóð væl til, tí tá var Skanderborg á odda 16-14.
Rakul slapp at verja málið størra partin av dystinum, og hon hevði sjey bjargingar í 27 málroyndum. Kappingarneytin, Else Bøg Hede bjargaði trimum av 12 málroyndum.
Skanderborg er aftast í deildini saman við EH Aalborg. Bæði liðini hava tvey stig hvør.
